10 ЛІСТАПАДА 2022 года – УСЁМІРНЫ ДЗЕНЬ ЯКАСЦІ

Другі чацвер лістапада на працягу ўжо больш за 30 гадоў праходзіць як Сусветны дзень якасці.

У 2022 г. ён адзначаецца 10 лістапада.

Беларусь, якая з моманту свайго самастойнага развіцця вызначыла якасць адным з найважнейшых прыярытэтаў дзяржаўнай эканамічнай палітыкі, з'яўляецца актыўнай удзельніцай гэтай агульнасусветнай кампаніі.

У нашай краіне сёлета дадзенае свята адзначаецца пад дэвізам «Беларуская якасць заслуга ўсіх і кожнага!».

Трэба асабліва адзначыць, што ў Беларусі традыцыі якасці маюць фундаментальную аснову і дзяржаўную падтрымку. Якасць у нашай краіне разглядаецца ў кантэксце поспеху і дабрабыту не толькі канкрэтнай арганізацыі, але і эканомікі ў цэлым.

Работы, якія праводзяцца ў рэспубліцы, забяспечваюць умовы для высокай якасці маркі "Зроблена ў Беларусі", даверу і прызнання айчынных тавараў і паслуг на ўнутраным і экспартных рынках!

У рамках Еўрапейскага тыдня якасці і Сусветнага дня якасці Полацкі ЦСМС выказвае ўдзячнасць спецыялістам усіх прадпрыемстваў і арганізацый, якія стаяць на варце выканання патрабаванняў стандартаў, абараняючы інтарэсы спажыўцоў, дамагаючыся таго, каб якасць прадукцыі была высокай і надзейнай, а наша жыццё — бяспечным!

Фота носіць ілюстрацыйны характар