19 студзеня 2023 года ў РУП "Полацкі ЦСМС" адбылася сустрэча калектыву з інфармацыйна-прапагандысцкай групай Наваполацкага гарадскога выканаўчага камітэта.

У склад групы ўваходзілі прадстаўнікі гарвыканкама, ГАНС, КУП "ЖРЭА", ГАУС, цэнтральнай гарадской бальніцы. Узначальваў групу Старшыня Наваполацкай гарадской Рады дэпутатаў Буевіч Алег Генадзевіч.

У ходзе сустрэчы калектыў быў праінфармаваны аб розных напрамках развіцця горада: сфера жыллёва-камунальнай гаспадаркі, гандлю, транспарту, аховы здароўя, культуры. Да ведама работнікаў была даведзена інфармацыя аб стане пажарнай бяспекі, грамадскага парадку, эпідэміялагічнай абстаноўцы ў горадзе, а таксама аб грамадска-палітычнай абстаноўцы ў краіне і ў свеце. Падчас сустрэчы работнікі Цэнтра задалі пытанні па тэмах, якія абмяркоўваліся.