Акцыя "Паверка за адзін дзень" - стала добрай традыцыяй Полацкага ЦСМС"

17 кастрычніка ў рамках правядзення мерапрыемстваў, прысвечаных Сусветнаму дню стандартызацыі і Дню стандартызацыі ў Рэспубліцы Беларусь, у нашым цэнтры прайшла акцыя "Паверка за адзін дзень".

У акцыі прынялі ўдзел прадпрыемствы і арганізацыі рэгіёна розных форм уласнасці: ад індывідуальных прадпрымальнікаў да вытворчых прадпрыемстваў і сельскай гаспадаркі.

З боку сельскагаспадарчых прадпрыемстваў найбольшым попытам карысталася паслуга па паверцы прыбораў для вымярэння канцэнтрацыі пароў алкаголю ў выдыханым паветры (алкатэстаў).

Індывідуальныя прадпрымальнікі здавалі ў праверку гандлёвыя шалі. Для вытворчых прадпрыемстваў і прадпрыемстваў сацыяльнай сферы праведзена паверка сродкаў вымярэнняў электрычных велічынь (трансфарматары току, лічыльнікі электрычнай энергіі, абцугі электравымяральныя і інш.).

Запрашаем да ўдзелу ў акцыях і мерапрыемствах нашага прадпрыемства, не забывайцеся падпісвацца і сачыць за нашымі навінамі!