Канферэнцыя «Праз стандартызацыю - да ўзаемаразумення і стварэння» адбылася 12.10.2023 у г. Мінск

Удзел у ёй прынялі прадстаўнікі арганізацый розных галін прамысловасці, тэхнічных камітэтаў па стандартызацыі, а таксама рэспубліканскіх органаў дзяржкіравання.

На канферэнцыі былі разгледжаны вынікі і перспектывы развіцця стандартызацыі ў Беларусі і ЕАЭС, супрацоўніцтва ў гэтай сферы з Расійскай Федэрацыяй. Шэраг выступленняў былі прысвечаны ролі стандартаў для забеспячэння якасці прадукцыі, задавальнення запытаў эканомікі і спажыўцоў, а таксама ўкараненню навуковых распрацовак для пашырэння экспартных магчымасцей айчыннай прамысловасці.

У якасці спікераў выступілі прадстаўнікі Дзяржстандарта, БелДІСС, Еўразійскай эканамічнай камісіі, Расійскага інстытута стандартызацыі, Навукова-практычнага цэнтра Нацыянальнай акадэміі навук Беларусі па харчаванні, Беларускага нацыянальнага тэхнічнага ўніверсітэта.

У рамках канферэнцыі таксама адбылася цырымонія ўзнагароджання пераможцаў конкурсу "Лепшы спецыяліст па стандартызацыі", мэтай якога з'яўляецца павышэнне аўтарытэту спецыялістаў па стандартызацыі і арганізацый, распаўсюджванне перадавога вопыту, выяўленне найбольш прафесійных спецыялістаў па стандартызацыі.

Ілюстрацыяй да канферэнцыі стала выстава мастацкіх работ з фондаў Музея гісторыі г. Мінска, Беларускага саюза мастакоў і Нацыянальнага цэнтра сучаснага мастацтва Рэспублікі Беларусь.