Аб'яўлены конкурс «Лепшы метролаг» 2022 года

Дзяржаўным камітэтам па стандартызацыі Рэспублікі Беларусь і Беларускім дзяржаўным інстытутам метралогіі аб'яўлены конкурс "Лепшы метролог" 2022 года.

Ён праводзіцца з мэтай павышэння кваліфікацыйнага ўзроўню, прафесійнай кампетэнцыі і стымулявання творчай актыўнасці спецыялістаў-метролагаў.

Прымаць удзел у гэтым конкурсе могуць спецыялісты-метролагі арганізацый Рэспублікі Беларусь усіх форм уласнасці. Паўторны ўдзел у конкурсе дапускаецца не раней як праз чатыры гады. Да ўдзелу ў конкурсе дапускаецца не больш за аднаго спецыяліста ад адной арганізацыі.

Конкурс праводзіцца ў дзвюх намінацыях:

юрыдычныя асобы ГМС;
арганізацыі.
Арганізацыя, якая прадстаўляе свайго спецыяліста-метролага для ўдзелу ў конкурсе, павінна падаць да 4 мая 2022 г. у БелДІМ ліст з камплектам дакументаў (характарыстыка-анкета і дакументы, якія пацвярджаюць звесткі, указаныя ў характарыстыцы-анкеце).

Ацэнка прадстаўленых дакументаў праводзіцца аргкамітэтам конкурсу па наступных крытэрыях: уклад у агульныя пытанні развіцця метралагічнай службы ў арганізацыі; удзел ва ўкараненні ўдасканаленых метадаў і сродкаў метралагічнага абслугоўвання; агульны стан метралагічных работ на прадпрыемстве па забеспячэнні адзінства вымярэнняў; стан рацыяналізатарскай работы ў галіне метралогіі і ўдзел у гэтай рабоце канкурсанта; удзел у навуковых і практычных распрацоўках; пералік апублікаваных артыкулаў па пытаннях метралогіі; іншыя характарыстыкі, якія адлюстроўваюць дзейнасць спецыяліста ў галіне прыкладной метралогіі.

Пераможцам конкурсу ў кожнай намінацыі прызнаецца ўдзельнік, які набраў максімальную сумарную колькасць балаў.

Узнагароджанне пераможцаў і прызёраў конкурсу праводзіцца ва ўрачыстай абстаноўцы падчас правядзення мерапрыемстваў, прымеркаваных да святкавання Сусветнага дня метралогіі 20 мая 2022 года.

Вынікі конкурсу публікуюцца на афіцыйных сайтах Дзяржстандарта (www.gosstandart.gov.by) і БелДІМ (www.belgim.by). Інфармацыйныя матэрыялы аб выніках конкурсу публікуюцца ў навукова-тэхнічным часопісе "Метралогія і прыборабудаванне".

БелДІМ:

220053, г. Мінск, Старавіленскі тракт, 93

тэл.: +375 17 363-51-07

e-mail: seminar@belgim.by.