Ролю моладзі ў жыцці грамадства цяжка пераацаніць: бо ў яе руках - наша будучыня

Ролю моладзі ў жыцці грамадства цяжка пераацаніць: бо ў яе руках - наша будучыня. Таму вельмі важна займацца яе духоўна-маральным і патрыятычным выхаваннем, павышэннем ўзроўню адказнасці за ўчынкі і справы, каб кожны малады чалавек вырас дастойным грамадзянінам сваёй краіны.
15 кастрычніка Аб'яднаная арганізацыя Дзяржстандарта ГА "Беларускі саюз жанчын" і мясцовы дабрачынны фонд "Маладая Гвардыя" падпісалі пагадненне аб супрацоўніцтве.
Падпісанню пагаднення папярэднічала адкрытая размова аб значнасці пытанняў духоўна-маральнага і патрыятычнага выхавання моладзі цяпер, аб тым, які ўклад можа ўнесці кожны, незалежна ад таго, з'яўляецца ён кіраўніком або спецыялістам.
Супрацоўніцтва будзе ўключаць такія напрамкі, як: грамадзянска-патрыятычнае выхаванне, фарміраванне здаровага ладу жыцця, раскрыццё творчага патэнцыялу моладзі, правядзенне розных мерапрыемстваў, у тым ліку якія папулярызуюць сацыяльна-эканамічныя дасягненні краіны. Для гэтага могуць стварацца сумесныя працоўныя групы, аргкамітэты, ажыццяўляцца арганізацыйнае ўзаемадзеянне, аказвацца падтрымка ваенна-патрыятычным клубам.
На ўстанаўленне цеснага ўзаемадзеяння з ваенна-патрыятычнымі клубамі, у першую чаргу, у рэгіёнах акцэнтавала ўвагу Старшыня Дзяржстандарта Алена Міхайлаўна Маргунова.
Так, 29 кастрычніка, у рамках рэалізацыі гэтага напрамку адбылася сустрэча калектыву Полацкага ЦСМС са старшым афіцэрам па грамадзянска-патрыятычнаму выхаванню вайсковай часці 5530 Рубелем Іллём Эдуардавічам, прадстаўніком ваенна-патрыятычных клубаў "Сокал" (г.Наваполацк) і "Рубеж" (г. Полацк).
Падчас сустрэчы супрацоўнікі падрабязна даведаліся пра дзейнасць клубаў.
Мерапрыемства накіравана на падтрымку маладзёжнай палітыкі і замацоўвае намер развіваць намаганні па фарміраванні ўсвядомленага стаўлення моладзі да розных дасягненняў у нашай краіне.
Патрыятычнае выхаванне дзяцей і моладзі - адна з найважнейшых дзяржаўных задач сёння. Стварэнне на базе вайсковых часцей ваенна-патрыятычных клубаў навучэнцаў дасць магчымасць фарміраваць у маладога пакалення гатоўнасць да службы ва Узброеных Сілах Рэспублікі Беларусь.